/>*सुट्टीच्या दिवसांत*
सुट्टीच्या दिवसांत वाटते, खुशाल आकाशात उडावे. इंद्रधनूच्या घसरगुंडीवर, खाली-वर, वर-खाली व्हावे.
सुट्टीच्या दिवसांना असतो, वास निराळा घमघमणारा. उन्हातही अंगाला बिलगे, माळावरचा उनाड वारा.
सुट्टीच्या दिवशी जादूने, अद्भुत होते नेहमीचे जग. मळक्या विटक्या वस्तूंवरती, नवतेजाची चमके झगमग.
सुट्टीच्या दिवशी शरीरातुन, प्रचंड शक्ती राही उसळत. वाटे पोहू साती सागर, गगनचुंबी ओलांडू पर्वत.
सुटे भान काळाचे सगळे, सुट्टीमध्ये कसे काय ते आठवड्या-महिन्या-वर्षांचें, कालचक्र मोडूनच पडते !
कवी-अनंत भावे
Post a Comment